"Վանա իշխանի" Նիկոլ Պողոսյանի տունը գտնվում է գյուղի կենտրոնում, եկեղեցուց իջնող նեղլիկ փողոցի կարմիր գծից ներս: Փոքր երկհարկանի տուն է մեկական սենյակով յուրաքանչյուր հարկում: Շենքը կիսավեր է` կանգուն են պատերը մինչև երկրորդ հարկի պատուհանների վերին նիշը: Ծածկերը բացակայում են: Անցումը դեպի երկրորդ հարկ իրականացվում էր ներկայումս բացակայող փայտյա պատշգամբով: Առաջին հարկի մուտքը գլխավոր ճակատի ձախ կողմից է, երկրորդինը՝ աջ: Երկու սենյակներն էլ ունեն պատշգամբին նայող երկուական պատուհան: Երկրորդ հարկի սենյակի կողային պատին պահպանվել է բուխարիի միակտոր ճակատակալ քարը՝ մանրաքանդակ շրջանակով եզերված կենաց ծառի ոճավորված խորաքանդակ պատկերով: Տան դիմաց եղել է ընդարձակ տնամերձ հողամաս: Շենքը կառուցված է 19-րդ դ. վերջերին բնորոշ ոճով:
Մանրամասն...